Frank Ribery ka folur për ndeshjen e sotme mes Bayern Munich dhe Inter në Ligën e Kampionëve.

Bayern Munich dhe Inter ballafaqohen sonte me fillim nga ora 21:00, në kuadër të çerekfinales së parë të Ligës së Kampionëve, shkruan GazetaBlic Sport.

Ribery tha se kjo ndeshje do jetë e jashtëzakonshme për t’u shikuar.

“Një ndeshje e mrekullueshme për t’u parë sepse janë dy gjigantë, edhe pse për fat të keq skuadra gjermane ka shumë mungesa. Në këto lloj ndeshjesh duhet të japësh më shumë se 100%, fizikisht dhe veçanërisht mendërisht”, tha fillimisht Ribery për Gazetta Dello Sport.

“Bayerni është gjithmonë Bayern, por Interi është në të njëjtin nivel për sa i përket organizimit – ata vërtet mund të besojnë në fitimin e kësaj Kupe.

“Simone ka ndërtuar një makinë të bukur, skuadrat e tij kanë një identitet të qartë: më pëlqejnë njerëzit që e vënë veten në linjë si ai.”

“Unë do të përmend diçka: Neuer-për fat të keq i lënduar dhe Müller, një kampion unik, një luftëtar që udhëheq me shembull,” tha ai kur u pyet për lojtarët me të cilët është ende i lidhur.

“Ai nuk është aq i ri sa Musiala, por përvoja e Thomas është e paçmuar. Dhe ai dëshiron ta përfundojë historinë e tij me Bayern në mënyrën më të mirë, me finalen në shtëpi”, përfundoi Ribery.

/GazetaBlic Sport