Futbollisti kroat Luka Modric është shëruar nga ftohja dhe do të jetë në skuadrën e Real Madridit për ndeshjen e së dielës në Superkupën e Spanjës kundër Barcelonës.

“Ishte vetëm një ftohje dhe ai tashmë është rikuperuar. Sot ai u stërvit sipas një programi special, ndërsa nesër do të stërvitet me shokët e skuadrës. Ai do të jetë në listën për ndeshjen”, konfirmoi klubi.

Real Madrid dhe Barcelona do të luajnë finalen e Superkupës në qytetin saudit të Jeddah të dielën në orën 20:00.

Modric, kapiteni 39-vjeçar i Real Madridit, humbi ndeshjen gjysmëfinale të së enjtes me Mallorca, të cilën bashkëlojtarët e fituan 3-0. Atë ditë, Real Madrid raportoi në faqen e tij të internetit se mesfushori kroat kishte mbetur jashtë skuadrës për shkak të një virusi.

/GazetaBlic Sport/