Real Madridi dhe Eintracht Frankfurti do të përballen sot në finalen e Superkupës për vitin 2022.
Skuadra spanjolle e fitoi trofeun e Ligës së Kampionëve, kurse skuadra gjermane më herët e kishte fituar trofeun e Ligës së Evropës, përcjell GazetaBlic Sport.
Real Madrid do të synojë ta nisë sezonin me një trofe të ri në sirtarët e klubit më të lavdishëm të futbollit evropian, pasi stinorin e kaluar e mbylli me trofeun e 14-të të Champions League, kurse Frankfurti fitoi vetëm për herë të dytë në histori garën e Europa League, duke mposhtur në finale klubin skocez Rangers pas penalltive.
Të dy kampet janë deklaruar shumë të përgatitura për këtë takim, me ndeshjen që luhet në ora 21:00.
Ja formacionet e mundshme për këtë takim:
Real Madrid: Courtois; Carvajal, Militao, Alaba, Mendy; Kroos, Casemiro, Modric; Valverde, Benzema, Vinicius Jr
Eintracht Frankfurt: Trapp; Toure, Ndicka, Tuta; Knauff, Sow, Rode, Lenz; Gotze, Kamada; Borre
/GazetaBlic Sport/