Një ngjarje e rëndë dyshohet se ka ndodhur në lagjen e Spitalit në Prishtinë, më saktësisht në rrugën “Vëllëzërit Asllani”, ku po raportohet se një person është hedhur nga banesa.
Menjëherë pas marrjes së informatës, në vendin e ngjarjes kanë dalë ekipet emergjente, përfshirë autoambulancën, Policinë e Kosovës dhe ekspertët forenzikë.
“Gazeta Blic” ka dërguar pyetje në Policinë e Kosovës në lidhje me rastin në fjalë dhe është në pritje të përgjigjeve.
