Lideri i AAK-së, Ramush Haradinaj, ka thënë se LDK po e bllokon krijimin e një qeverie të opozitës, raporton Gazeta Blic.

Ai ka kritikuar për këtë Lumir Abdixhikun, kryetar të kësaj partie.

“Jemi në një situatë të paqartë nga LDK, Z.Abdixhiku, ka një një pozicionim i cili nuk po e lehtëson ecjen përpara, ose po e vështirëson një marrëveshje të opozitës”, ka thënë Haradinaj në Debat Plus.

Deri më tani, pas më shumë se gjashtë javë nga zgjedhjet, Komisioni Qendror i Zgjedhjeve ka certifikuar rezultatet e zgjedhjeve parlamentare të 9 shkurtit.

Lëvizja Vetëvendosje ka fituar zgjedhjet me mbi 390.000 vota, ose 42.30%, duke siguruar 48 ulëse në Kuvend. Partia Demokratike e Kosovës (PDK) ka marrë mbi 190.000 vota (20.95%), duke siguruar 24 ulëse, ndërsa Lidhja Demokratike e Kosovës (LDK) ka marrë mbi 170.000 vota (18.27%), duke siguruar 20 ulëse. Koalicioni AAK-Nisma ka siguruar 8 ulëse me mbi 66.000 vota (7.06%).