Kryetari i Prishtinës, Përparim Rama ka bërë të ditur se në prag të muajit të Ramazanit është dekoruar rruga “Ibrahim Lutfiu” në zonën e vjetër të kryeqytetit.

Poashtu ai ka bërë të ditur se është takuar edhe me kreun e KBI-së, Hetem Sopjanin.

Postimi i plotë:

🌙Në prag të Muajit të bekuar të Ramazanit, kemi dekoruar rrugën “Ibrahim Lutfiu” në zonën e vjetër të kryeqytetit, për t’i dhënë atmosferë të ngrohtë dhe sjellë ndjesinë e festës e bashkimit Prishtinës tonë në këtë muaj sakrifice.

Vizituam po ashtu Këshillin e Bashkësisë Islame të Prishtinës, ku u pritëm nga kreu i KBI-së, Hetem ef. Sopjani me të cilin biseduam për projekte të përbashkëta në interes të qytetarëve.

Pamë edhe dizajnin e veçantë të lokalit “Begler” i cili gjendet në këtë zonë dhe që duhet vizituar patjetër.

Ndërsa sonte ju pres te Xhamia e Gurit, në ora 20:30 bashkë me kryemiftiun e BIK, Naim Tërrnava, për të parë zonën e zbukuruar.