Bayern është duke analizuar nënshkrimin e mundshëm të Ralf Rangnick për sezonin e ardhshëm, siç ka deklaruar edhe ai vetë.

“Bayern foli me mua dhe unë ia komunikova Federatës Austriake të Futbollit, sepse ne kemi një marrëdhënie shumë të besueshme”, tha Rangnick për 90minuten.at .

65-vjeçari gjerman është trajner i Austrisë që nga viti 2022, pasi është kualifikuar në Euro-2024 , ku do të jetë në Grupin D me Francën, Holandën dhe Poloninë.

Në të njëjtën intervistë, Rangnick thotë se nuk do të marrë vendime bazuar në aspektin financiar: “E rëndësishme është të kuptoj nëse mund të bëj një ndryshim, nëse do të kem shansin të zhvilloj një ekip të suksesshëm. Kjo është ajo që më motivon.”

“Nëse Bayern më bën një ofertë, duhet të pyes veten nëse dua ta pranoj atë”, shtoi ai.

/GazetaBlic Sport/