Ragip Xhaka, kandidati për deputet nga radhët e PDK-së, ka vizituar familjen e Baki Xhakës në fshatin heroik Oshlan. Gjatë kësaj vizite, Xhaka shprehu mirënjohjen e tij të thellë për mikpritjen dhe përkushtimin e kësaj familjeje, e cila prej vitesh është një bastion i pathyer i PDK-së.

“Një falënderim i veçantë për familjen e Baki Xhakës, vëllait tonë, që ka qëndruar krenar si në luftë ashtu edhe në paqe. Në zemrën e kësaj familjeje heroike gjejmë frymëzimin e pathyeshëm të PDK-së,” u shpreh Ragip Xhaka.

Fshati Oshlan, me historinë e tij të lavdishme, ka qenë gjithmonë një simbol i qëndresës dhe sakrificës.