Në një deklaratë të përbashkët, pesë vendet e Quint-it, ku përfshihen Shtetet e Bashkuara, Britania, Franca, Gjermania dhe Italia së bashku me Zyrën e BE-së në Kosovë, kanë shprehur shqetësimin e tyre lidhur me “përpjekjet e disa aktorëve politikë për të kufizuar konkurrencën mes partive që përfaqësojnë komunitetet joshumicë, para zgjedhjeve lokale të 12 tetorit”.
Në reagimin e tyre theksohet se çdo përpjekje për të përjashtuar komunitete të caktuara cenon parimet demokratike dhe minon besimin në institucionet e Kosovës.
Po ashtu, partitë që ndihen të prekura nga këto pengesa janë inkurajuar të përdorin në mënyrë të plotë Panelin për Ankesa dhe Parashtresa të Zgjedhjeve (PZAP) për të kërkuar drejtësi.
“Çdo akt i tillë për përjashtimin e komuniteteve të caktuara, minon parimet demokratike dhe shkatërron besimin në institucionet e Kosovës.Presim që qeveria në ikje dhe të gjitha partitë politike të përmbahen nga hapat e mëtejshëm që mund të pengojnë regjistrimin e partive.Të gjitha procedurat duhet të zhvillohen në mënyrë rigoroze në përputhje me rregullat dhe mandatin e Komisionit Qendror Zgjedhor.Në të njëjtën kohë, inkurajojmë partitë e prekura që të shfrytëzojnë plotësisht Panelin e Ankesave dhe Ankesave Zgjedhore për të kërkuar rivendosje” thuhet në reagimin e tyre.
Reagimi i plotë:
Deklaratë e Quint-it dhe BE-së për regjistrimin e partive për zgjedhjet lokale
Ambasadat e Francës, Gjermanisë, Italisë, Mbretërisë së Bashkuar dhe Shteteve të Bashkuara, së bashku me Zyrën e BE-së në Kosovë, shprehin shqetësimin e tyre lidhur me përpjekjet e akterëve politikë për kufizimin e konkurrencës ndërmjet partive politike që përfaqësojnë komunitetet jo-shumicë përpara zgjedhjeve të ardhshme lokale më 12 tetor.
Çdo akt i tillë për përjashtimin e komuniteteve të caktuara, minon parimet demokratike dhe shkatërron besimin në institucionet e Kosovës.
Presim që qeveria në ikje dhe të gjitha partitë politike të përmbahen nga hapat e mëtejshëm që mund të pengojnë regjistrimin e partive.
Të gjitha procedurat duhet të zhvillohen në mënyrë rigoroze në përputhje me rregullat dhe mandatin e Komisionit Qendror Zgjedhor.
Në të njëjtën kohë, inkurajojmë partitë e prekura që të shfrytëzojnë plotësisht Panelin e Ankesave dhe Ankesave Zgjedhore për të kërkuar rivendosje.
