Qeveria e Kosovës ka miratuar përzgjedhjen e Bordit të Ujësjellësit “Hidrodrini” në Pejë.
Në mbledhjen e mbajtur të mërkurën, ekzekutivi ka caktuar Jusuf Nikçin, ish-drejtorin e Buxhetit të Kuvendit të Kosovës, në krye të Bordit të Ujësjellësit “Hidrodrini”.
Po ashtu, qeveria ka caktuar tre anëtarët e tjerë të bordit: Mevlyde Kelmendi Begolli, Simon Blaja dhe Driton Syvqa.
Bordi do të ketë mandat prej tre vitesh.
