Shefqet Begu, themeluesi i tifogrupit mitrovicas “Torcida”, është sulmuar nga qentë endacakë.

Ngjarja ka ndodhur sot në sheshin e Mitrovicës, derisa ai kishte qenë duke shkuar në punë.

Këtë e konfirmoi për Klankosova vet ai.

“Po, më ka kafshuar në këmbën e majtë. Kam marrë trajtim mjekësor. Është akoma e shtrënguar këmba. Nesër do ta marrë edhe vaksinën”, deklaroi ai.

Qeti, tregoi edhe se si ndodhi krejt ngjarja.

“Duke shkuar në punë. Po shkoja për me hapë palestrën, kur gjatë ecjes në shesh, një grup qensh më sulmuan papritur. Njëri nga ta më kërceu në fytyrë, atë e largova, dy të tjerë pastaj më erdhën nga pas e më kafshuan. Fati ka qenë që ata m’u vërsulën mua, e jo ca fëmijëve që ishin aty pranë”, theksoi ai.

Ai theksoi që më pas u dërgua për trajtim në Emergjencën e QKMF-së.