Christian Pulisic ishte i emocionuar pas debutimit fantastik në Serie A.
Sulmuesi nuk mund të kishte kërkuar një debutim më të mirë në fitoren 2-0 si mysafir ndaj Bologna-s, duke zhvilluar një ndeshje fantastike, madje edhe duke realizuar gol, përcjell GazetaBlic Sport.
“Ishte një fillim fantastik, sigurisht. Jam shumë i emocionuar që jam pjesë e këtij ekipi”, tha Pulisic për DAZN.
“Dy golat e hershëm na ndihmuan vërtet, sepse ishte një lojë e vështirë pas kësaj. Për mua personalisht një fillim i mrekullueshëm, mirë për të shënuar një gol, ndërsa një portë e pastër dhe një fitore janë gjithmonë të mira”, përfundoi ai.