Gerry Cardinale, pronari i AC Milan, zbuloi se klubet në Itali ende kanë disa vështirësi në konkurrimin financiar me klubet angleze.

Në një intervistë në podcastin “The Varsity”, ai shpjegoi se konkurrentët kryesorë për klubet italiane nuk janë rivalët e tyre vendas, por ekipet financiarisht dominuese në Premier League .

“Rivaliteti i vërtetë nuk është me 19 ekipet e tjera në Serie A, por me Premier League. Ata kanë pothuajse katër herë më shumë të ardhura nga televizioni sesa ligat e tjera evropiane – dhe ky është një problem”, deklaroi ai.

Biznesmeni theksoi se në Itali, çdo ekip është i aftë të mposhtë liderët, por kjo konkurrencë e ashpër nuk shpërblehet financiarisht nga sistemi.

“Nuk mund t’i pranoj kontratat aktuale ndërkombëtare të transmetimit, por distributorët duan më shumë ndeshje të mëdha. Askush nuk dëshiron të transmetojë një ndeshje Cagliari – Lecce , dhe ky është një problem”, shtoi Cardinale.

Sipas mendimit të biznesmenit, kjo është pikërisht arsyeja pse futbolli po lëviz drejt ideve progresive, siç është Superliga, pasi sistemi aktual shpërblen vlerën e markës dhe jo performancën e vërtetë sportive.

/GazetaBlic Sport