Lajme

Prokuroria ngritë aktakuzë për drejtoreshën e VV-së në Prizren

04/13/2021 15:14

nga:Q R

Vetvendosje

Prokuroria Themelore në Prizren ka ngritur sot aktakuzë kundër Drejtoreshës së Arsimit të Komunës së Prizrenit, Xhemile Thaçi-Vezgishit, për mos deklarim të pasurisë, përcjell GazetaBlic.

Drejtoresha e Haskukës siç thuhet në njoftimin e Prokurorisë, nuk e kishte deklaruar pasurinë e saj për vitin 2019 edhe përkundër faktit se afati për deklarim ishte zgjatur nga 31 marsi i vitit 2020, deri në qershor 2020.

“E pandehura e VV-së në Prizren, Xhemile Thaçi- Vezgishi në cilësinë e Drejtoreshës për Arsim në Komunën e Prizrenit si zyrtare e lartë publike, e kualifikuar sipas nenit 1 (par. 1.1.11) të Ligjit për ndryshimin dhe plotësimin e Ligjit nr. 04/L-050 për Deklarimin, Prejardhjen dhe Kontrollin e Pasurisë së Zyrtareve të Lartë Publik dhe Deklarimin, Prejardhjen dhe Kontrollin e Dhuratave për të gjithë personat Zyrtar, nga data 01.03.2020 deri më datë 31.03.2020, afat i cili është vazhduar deri më 19 qershor 2020, nuk e përmbush detyrimin ligjor për deklarimin e pasurisë, të ardhurave, dhuratave, dobisë pasurore ose të detyrimeve financiare, për vitin paraprak 2019 në Agjencinë Kundër Korrupsionit në Prishtinë, në afatin e paraparë me ligj të veçantë, edhe pse disa herë ishte njoftuar në lidhje me këtë obligim ligjor, e po ashtu në formularin për deklarim të pasurisë nr. 09000, datë 25.06.2020 edhe pse i dorëzuar me vonesë, nuk i deklaron të ardhurat personale të realizuara nga paga mujore që e ka marr si zyrtare e lartë publike për periudhën raportuese 2019.

Me këto veprime, e akuzuara Xh.TH.V., ka përmbushur elementet e veprës penale nga neni 430 paragrafi 2 lidhur me paragrafin 1 të Kodit Penal të Republikës së Kosovës Nr. 06/L-074. Prokurori i çështjes me rastin e ngritjes së aktakuzës, i ka propozuar Gjykatës që e akuzuara të shpallet fajtore dhe të dënohet sipas ligjit”, thuhet në komunikatën për media të lëshuar nga Prokuroria në Prizren.

LEXO EDHE:

12 të vdekur dhe 494 raste të reja me Coronavirus

UNI – Universum International College sërish pjesë e Panairit të Edukimit, vazhdon të ofroj studime me standarde amerikane

Artikull i sponsorizuar

UNI - Universum International College bëhet sërish pjesë e Panairit të 16-të të Edukimit në

Po, Po – 31 Vetura Dacia Logan shpërblim për konsumatorë nga ETC

Artikull i sponsorizuar

A jeni gati për shpërblimin më të madh në vend nga ETC, Lider i shërbimit dhe tregtimit

Lajme tjera

04/19/2024 10:04
Uglanin: Punë e kryer, votimi në veri nuk do të ketë sukses

04/19/2024 09:58
Presidentja Vjosa Osmani kujton 25-vjetorin e rënies së heroit Sali Çekaj

04/19/2024 09:53
Haradinaj kujton heroin Sali Çekaj me bashkëluftëtarë: Flijimi i tyre është frymëzim për brezat që vijnë