Prokuroria kërkoi sot një dënim me katër vjet e nëntë muaj burg për trajnerin e Real Madridit, Carlo Ancelotti për fshehjen e një pjese të të ardhurave të tij nga të drejtat e imazhit nga autoritetet tatimore spanjolle.

Vendimi i Gjykatës së Lartë të Madridit, para së cilës italiani paraqitet që prej të mërkurës, do të merret së shpejti, transmeton GazetaBlic Sport.

Të mërkurën, Carlo Ancelotti, avokati i të cilit kërkoi lirimin e tij, këmbënguli se ai “nuk kishte menduar kurrë të kryente mashtrim”, duke theksuar se ishte vetë klubi madrilen që i kishte sugjeruar atij këtë sistem për të paguar një pjesë të pagës.