Të martën, shteti i Zvicrës shënoi ditën e tij kombëtare të pavarësimi.

E një ditë si kjo u shënua edhe në Kosovë, me një organizim nga Ambasada e Zvicrës në Kosovë.

Mes shumë të ftuarve, prezentë në këtë ngjarje kanë qenë edhe prindërit e ylli shqiptar me renome ndërkombëtare, Rita Ora.

Vera dhe Besnik Sahatçiu (Ora) publikuan në rrjetet sociale disa imazhe nga vizita e tyre e përbashkët në këtë organizim, ku mes të tjerash janë takuar edhe me plot figura të rëndësishme shtetërore.

Në disa prej fotografive që çifti kanë ndarë me ndjekësit e tyre në Instagram, mund të shihet teksa ata përshëndeten edhe me kryeministrin e vendit, Albin Kurtin, dhe gruan e tij, Rita Augestad Knudsen.

“Urime Ditën Kombëtare Zvicër. Faleminderit që na ftuar Zonja dhe Zotëri Ambasador dhe për këtë ditë të mrekullueshme. Ju dëshirojmë më të mirat në të ardhmen”, ka shkruar babai i këngëtares, Besnik Sahatçiu në Instagram.

Prindërit e këngëtares shqiptare përndryshe posedojnë një shtëpi në Prishtinë dhe një tjetër në Ulqin – dhe i kanë të shpeshta vizitat e tyre në baza vjetore në Kosovë.