Lajme

Presidentja Osmani mbërrin në Samitin e BE-së: S’dua të krijoj pritshmëri për liberalizim

06/23/2022 08:53
nga:Q R

Presidentja e Kosovës, Vjosa Osmani, ka mbërritur për Samitin e Bashkimit Evropian dhe të Ballkanit Perëndimor.

Osmani ishte liderja e parë e Ballkanit Perëndimor që u shfaq në ndërtesë.

Me këtë rast, pati edhe një deklaratë të shkurtër ku deklaroi se Kosova e ka vendin mes familjes së madhe evropiane.

Në lidhje me liberalizimin e vizave, Osmani u shpreh se nuk dëshiron të krijojë pritshmëri por theksoi se Kosova tashmë ka plotësuar të gjitha kriteret e kërkuara.

Gjithashtu, Osmani u shpreh se pret një zë të unifikuar të Bashkimi Evropian rreth të ardhmes së Ballkanit Perëndimor./kp