Presidentja e vendit, Vjosa Osmani ka njoftuar se ka mandatuar Albin Kurtin si kryeministër për të formuar Qeverinë.

Përmes një postimi në Facebook, Osmani shkroi se i uron suksese në udhëheqjen e Qeverisë së re dhe punë në shërbim të qytetarëve të Republikës së Kosovës.

Seanca për formimin e Qeverisë Kurti 3 pritet të mbahet sonte.

Ora e seancës nuk është caktuar ende.

Postimi i plotë:

Sot, në përputhje me kushtetutën e Kosovës, kam caktuar Kryeministrin Albin Kurti, mandatar për formimin e Qeverisë së Republikës së Kosovës.

I uroj suksese në udhëheqjen e Qeverisë së re dhe punë në shërbim të qytetarëve të Republikës së Kosovës.

Ju priftë e mbara!