Didier Deschamps ka konfirmuar se sulmuesi i Milanit Olivier Giroud do të largohet nga Serie A në fund të sezonit 2023-24 për t’iu bashkuar Los Angeles FC në MLS, dhe gjithashtu ka premtuar se vendimi i tij për t’u transferuar në Shtetet e Bashkuara nuk do të ketë ndikim në listën e skuadrës për Euro 2024.

Deschamps fol për sulmuesin veteran të kuqezinjve gjatë një interviste me AFP , të publikuar të mërkurën, transmeton GazetaBlic Sport.

Giroud, i cili ka kaluar tre sezone në San Siro, është përfolur se është afër një transferimi në Shtetet e Bashkuara për pjesën më të madhe të sezonit 2023-24, dhe ka nënshkruar zyrtarisht një marrëveshje para-kontrate me LAFC në prill.

“Olivier ka bërë një zgjedhje sportive dhe një zgjedhje jete. Pavarësisht moshës së tij, ai ende ka një zjarr të ndezur brenda tij. Ndoshta është gjithashtu një mundësi për t’u takuar përsëri me Hugo (Lloris) dhe familjen e tij.

Trajneri francez shtoi: “Ai dëshiron të vazhdojë karrierën e tij, por me kërkesa pak më pak se në Evropë. Por kjo nuk e ndryshon zgjedhjen time, duke qenë se ai do të qëndrojë me Milanin deri në fund të sezonit.

“Olivier ka përvojë, një sfond të jashtëzakonshëm, por do të ketë konkurrencë për të, ashtu si me gjithë të tjerët. Nuk është transferimi që do t’i fitojë apo humbasë atij një vend në skuadër në sytë e mi.”

/GazetaBlic Sport/