Trajneri i Tottenham, Ange Postecoglou u shpreh i lumtur pasi skuadra e tij mposhti Manchester Cityn në ‘Etihad’ me rezultat 0-4.

“Ardhja në shtëpinë e Cityt është një sfidë e madhe. Sot kishte pak nga gjithçka. Ne duhej të tregonim disiplinë, punë të palodhur dhe të luanim futboll të mirë. Ne bëmë pikërisht këtë. Loja jonë bëri diferencën sot. Ishte një paraqitje e mrekullueshme. Ne duhej të ishim të pamëshirshëm para portës, ata nuk të japin shumë raste. Ne treguam gjakftohtësi dhe pjekuri në mbajtjen e topit”, tha Postecoglou pas ndeshjes Etihad.

Ai theksoi cilësitë e Manchester Cityt: “Është e lehtë të trembesh kundër Cityt dhe kjo pengon shumë skuadra. Por duhet të tregosh lojën tënde. Ata të testojnë në çdo mënyrë të mundshme – mendërisht, fizikisht, taktikisht”.

Ange Postecoglou vlerësoi James Maddison, i cili shënoi 2 gola: “Nuk bëhet fjalë vetëm për golat. Ai luajti një rol kyç që ne të fitonim qendrën e fushës. Punon shumë në mbrojtje. Ai kaloi një pjesë të vështirë, por qëndroi me ekipin gjatë pushimit. James donte të kthehej në formë. Ishte një ndeshje perfekte për të”.

/GazetaBlic Sport/