Policia turke ka kryer operacione në shkallë të gjerë kundër grupit të Shtetit Islamik në Stamboll dhe në Ankara të martën, duke arrestuar më shumë se 100 të dyshuar, thanë zyrtarët.
Bastisjet erdhën një ditë pas një përplasjeje vdekjeprurëse në provincën veriperëndimore të Yalovës, ku u vranë tre oficerë policie dhe gjashtë militantë të ISIS-it. Tetë oficerë të tjerë dhe një roje nate u plagosën kur policia sulmoi një shtëpi të përdorur si vendstrehim.
Turqia ka nisur një seri operacionesh kundër qelizave të dyshuara të ISIS-it javën e kaluar, pas raportimeve se operativët po planifikonin sulme që synonin festimet e Krishtlindjeve dhe Vitit të Ri, thanë autoritetet, raporton Associated Press.
Të martën, policia kreu bastisje e në 114 adresa në të gjithë Stambollin dhe dy provinca të tjera, duke arrestuar 110 të dyshuar, tha Zyra e Kryeprokurorit të Stambollit.
Disa ishin të lidhur me militantët që hapën zjarr kundër policisë në Yalova, ndërsa të tjerë dyshoheshin se planifikonin sulme të mundshme rreth Ditës së Vitit të Ri, tha ajo.
