Sipas informacioneve më të fundit nga mediat e Belgjikës, bëhet e ditur se policia ia ka dalë të neutralizojë atentatorin e mbrëmjes së të hënës në Bruksel, i cili vrau dy tifozë suedezë dhe plagosi rëndë një tjetër.

Këta të fundit kishin udhëtuar në Belgjikë për të ndjekur përfaqësuesen e tyre në sfidën kualifikuese ndaj belgëve. Ndeshja që u luajt vetëm një pjesë u ndërpre më pas për shkak të aktit terrorist dhe frikës për jetën e gjithsecilit që ishte në stadium.

Për fat të mirë, policia e ka neutralizuar agresorin që ishte një radikal, mbështetës i ISIS ndërsa ende nuk ka një njoftim zyrtar nëse ai është vrarë apo arrestuar. Ndërkohë, në orët e fundit flitet se agresori kishte në plan për të vrarë një futbollist të Suedisë, por që për fat të mirë dështoi në marrëzinë e radhës.