Policia e Kosovës po vazhdon me kontrolle të rrepta në kuadër të masave të reja anti Covid që janë në fuqi, raporton Gazeta Blic.

Në njoftimin e shpërndarë nga Policia e Kosovës thuhet se patrullat policore janë duke patrulluar në tërë territorin përgjatë 24 orëve.

Njoftimi i plotë i policisë:

Vazhdojnë angazhimet policore në parandalim të përhapjes së pandemisë

Policia e Kosovës edhe sot, më 14 prill 2021, ka vazhduar me angazhime në drejtim të parandalimit të përhapjes së pandemisë, gjegjësisht në realizimin e planit operativ dhe vendimeve të institucioneve rreth realizimit të masave për parandalim të Covid 19.

Patrullat policore janë të angazhuara në tërë territorin e vendit 24/7, janë duke ndërmarrë veprime, sanksione bazuar në Ligjin AntiCovid 19 edhe pse ndëshkimet nuk janë mjeti kryesor, ato do të përdorën në rastet që parasheh ligji. Por, me këtë rast edhe një herë, ashtu si institucionet shëndetësore dhe jo vetëm, apelojmë, kërkojmë që të respektohen masat: maska, distanca, higjiena, kufizimi i kohës së lëvizjes, pra të gjitha ato masa që janë ndërmarrë nga institucionet e vendit, në interes të shëndetit publik.