Policia ka kryer kontrolle në disa shkolla në Mitrovicë në kuadër të veprimeve dhe masave parandaluese për ofrimin e sigurisë në shkolla. 

Gjatë kontrollimit, te nxënësit janë gjetur dhe sekuestruar tri thika dhe dy boksa hekuri.

“Me qëllim të parandalimit të bartjes dhe posedimit të mjeteve të rrezikshme dhe të kundërligjshme janë zbatuar masa sigurie përmes urdhër- kontrollit të lëshuar nga Gjykata Themelore në Mitrovicë me ç‘rast janë kontrolluar nxënësit e katër shkollave të mesme të larta në Mitrovicë. Gjatë kontrollit të ditës së sotme prezent ka qenë edhe një prokuror i Prokurorisë Themelore në Mitrovicë i cili ka mbikëqyrur procesin e kontrollit”, ka njoftuar Policia.