Pas një aksident trafiku që kishte ndodhur ditën e sotme në Prishtinë, GazetaBlic ka kontaktuar me zëdhënësen e policisë së rajonit të Prishtinës, Flora Ahmeti, e cila tha se rreth orës 18:00 u raportua për një aksident ku ishin përfshirë katër këmbësor dhe një veturë, ku katër persona kanë pësuar lëndime trupore dhe janë dërguar për trajtim mjekësor në QKUK.

“Rreth orës 18:00, është raportuar për një aksident trafiku të ndodhur në rrugën “Afrim Zhitia” në Prishtinë.   Nga informatat e para bëhet e ditur se në aksident janë përfshirë një veturë dhe katër këmbësor. Për  pasojë, katër persona, kanë pësuar lëndime trupore dhe të njëjtit janë dërguar për trajtim mjekësor në QKUK”, tha Ahmeti.

Gjithashtu Ahmeti tha se hetimet lidhur me rastin kanë filluar nga njësitë rajonale të trafikut.

“Njësia rajonale e trafikut ka dalë në vendin e ngjarjes dhe ka nisur një hetim lidhur me rrethanat e këtij aksidenti”, konfirmoi Ahmeti.

 

GazetaBlic do të ju mbajë të informuar në lidhje me rastin.

 

Aksident në Prishtinë, vetura godet dy vajza