Policia e Kosovës ka promovuar sot projektin “Njihuni me policin tuaj” me qëllim të rritjes së mëtejme të bashkëpunimit dhe partneritetit me qytetarët.
Ky projekt është promovuar në objektin e Drejtorinë Rajonale të Ppolicisë Mitrovica Veri si dhe në stacionin Qendër-Prishtinë.
Projekti “Njihuni me policin tuaj” është i bazuar në strategjinë Policimit në Bashkësi dhe Policimit të Drejtuar nga Inteligjenca.
Pjesë e takimit dhe konferencës ishin komandantet e stacioneve policore dhe nënstacioneve si dhe zyrtaret policorë të sektorëve te DRP Mitrovicë Veri dhe DRP Prishtina, thuhet në njoftim.
“Projektin në fjalë e prezantojë Drejtori i Departamentit për Operacione kolonel, Gazmend Hoxha i shoqëruar nga drejtorët rajonal të Prishtinës dhe Mitrovicës Veri si dhe Drejtori i Drejtorisë së Policisë në Bashkësi dhe Parandalim”, thuhet tutje në njoftimin nga policia e Kosovës.
