Franca ka mposhtur Gjermaninë me rezultat 1-0 në kuadër të ndeshjes së fundit të ciklit të parë në fazën e grupeve të kampionatit evropian.

Mjaftoi një autogol i Hummels në pjesën e parë, për ta vendosur fituesin e kësaj sfide tejet interesante, përcjell GazetaBlic Sport.

Pas triumfit, foli edhe njeriu i ndeshjes, Paul Pogba. Mesfushori fantastik tha se paraqitja e skuadrës luajti rol shumë të rëndësishëm.

“Paraqitja e skuadrës është më e rëndësishmja, pa shokët e skuadrës, unë nuk do të mund të luaja mirë, të gjithë u angazhuam për këtë ndeshje.

Ishim të fokusuar të bënim punën tonë në fushë, e dimë që duhet të përmbushim pritshmëritë si Kampionë Bote dhe të luajmë me përulësi.

“Kur vuajmë, vuajmë së bashku, kur sulmojmë, sulmojmë së bashku. Ne e dimë çfarë do të thotë ndeshja e parë, mendoj se sot bëmë një paraqitje që i frikëson kundërshtarët”, përfundoi ai.

LEXO EDHE:

Deschamps: Ndeshje e madhe ndaj një kundërshtari të mirë

/GazetaBlic Sport/