Mykhailo Podolyak, zyrtar i lartë presidencial ukrainas ka thënë se operacionet sulmuese kundër forcave ruse nuk janë “një sezon i ri i një shfaqjeje në Netflix”.

“Nuk ka nevojë të presësh veprime dhe të blesh kokoshka. Operacionet sulmuese të Forcave të Armatosura të Ukrainës vazhdojnë në një sërë zonash. Operacionet e formimit janë duke u zhvilluar për ngritjen e fushëbetejës”, ka shkruar Podolyak në Twitter.

“Koha është gjithmonë e rëndësishme… veçanërisht në luftë. Koha e humbur për të bindur partnerët tanë për të siguruar armët e nevojshme reflektohet në fortifikimet specifike ruse të ndërtuara gjatë kësaj periudhe, në vijën e thellë të mbrojtjes dhe në sistemin e fushave të minuara”, shtoi ai.

Ai tha se thyerja e frontit rus sot kërkon një qasje të arsyeshme dhe të balancuar.