Trajneri i Paris Saint-Germain, Luis Enrique, foli pas fillimit të suksesshëm të këtij edicionit të Ligës së Kampionëve.

Kampionët në fuqi fituan 4-0 në shtëpi ndaj Atalantës në Parc des Princes. Golat erdhën nga Marquinhos, Kvaratkshelia, Nuno Mendes dhe Gonzalo Ramos, transmeton GazetaBlic Sport.

“Unë bëj të njëjtën gjë që bëra në ndeshjen e fundit sepse marr shumë informacion nga lart që mund ta përdor në pjesën e parë. Të kem më shumë informacion është e rëndësishme për mua”, u përgjigj Enrique kur u pyet pse e shikon pjesën e parë nga tribunat dhe të dytën nga vija anësore.

“Kam menduar për një kohë të gjatë se si mund t’i shtojmë diçka mënyrës sonë të të bërit të gjërave dhe jam gjithmonë i hapur për çdo gjë që mund të përmirësojë performancën tonë. Me cilësinë e lojtarëve tanë, nuk ka surpriza. Thjesht duhet të përmirësojmë disa gjëra”, shtoi Luis Enrique pas fillimit të suksesshëm të turneut.

/GazetaBlic Sport/