Trajneri i Milanit, Stefano Pioli, ka pranuar se po merr shumë mbështetje në klub dhe se e ardhmja e tij me ekipin është ende e pavendosur.

Pioli ka një kontratë me klubin që skadon në verën e vitit 2025, por tashmë po flitet se drejtuesit e “rossonerëve” po shqyrtojnë opsionet për zëvendësimin e tij, me emrat e Antonio Contes dhe Thiago Motta-s të lidhur me postin.

“E ardhmja mund të konsiderohet e pasigurt për të gjithë ne dhe kjo është veçanërisht e vërtetë për trajnerët që punojnë në klube të mëdha. Tani jemi të fokusuar në të tashmen”, tha Pioli.

Specialisti foli edhe për paraqitjen e Christian Pulisic: “Ai kurrë nuk ka luajtur kaq shumë minuta dhe lojëra në 7-8 vitet e fundit. Ne e ndihmojmë Christianin dhe e menaxhojmë mirë. Ai është një lojtar shumë i zgjuar dhe një person i madh, shumë i rëndësishëm për Milanin”.

/GazetaBlic Sport