Kryetari i AAK-së, Ramush Haradinaj është duke u përgatitur për të ngjitur majën më të lartë të Evropës, në Mont Blanc.

Në emisionin “Krejt kapak” me Milot Hasimja, ai tha se nuk është ende i sigurt nëse do të mund ta realizojë ngjitjen atje, megjithatë përgatitjet kanë filluar.

“E kemi një ide për të ngjitur Mont Blanc. Shpresoj që do të shkojë gjithçka mirë. Jam pak me dilema, sepse i kam disa vjet, ta shohim me kujdes. Kryesisht i kam ngjitur majat e zonave tona, dhe nuk kam shkuar shumë jashtë. Kjo është herë e parë për Mont Blanc, nëse do të mund ta bëj. Hala nuk jam i sigurt a do të mund ta bëj”, tha Haradinaj.

Ndërkohë, i pari i AAK-së tregoi se shkuarja në palestër i është bërë shprehi e jetës.

“Një ndryshim në jetë. Ia vlen edhe për shëndetin, çdo mëngjes jam këtu”, u shpreh ai.