Lajme

Përfundon takimi Kurti-Vuçiq në Ohër

03/18/2023 16:48
nga:Arsim Buxhovi

Ka përfunduar takimi i përbashkët midis kryeministrit të Kosovës, Albin Kurti, presidentit të Serbisë, Aleksandër Vuçiq, dhe ndërmjetësuesve të Bashkimit Evropian, Josep Borrell dhe Miroslav Lajçak në Ohër të Maqedonisë së Veriut.

Fillimisht ka pasur takime dypalëshe midis përfaqësuesit të lartë të BE-së, Josep Borrell dhe liderëve.

Së pari, presidenti i Serbisë, Aleksandër Vuçiq u takua me përfaqësuesin e lartë të BE-së për politikë të jashtme Josep Borrell e emisarin e BE-së për dialogun Kosovë – Serbi, Miroslav Lajçak.

Ndërsa, pastaj ata kanë pritur në takim kryeministrin e Kosovës, Albin Kurtin.

Në agjendë të këtij takimi kanë qenë diskutimet për zbatimin e propozimit të BE-së për normalizimin e marrëdhënieve Kosovë-Serbi.

BE ka paralajmëruar se pas takimit do të ketë konferencë nga Borrelli.