Policia Rajonale e Ferizajit ka njoftuar se përgjatë ditëve nga 20 deri më 26 janar të këtij viti janë raportuar 13 raste të vjedhjeve, shkruan GazetaBlic.

Sipas komunikatës për media, nëntë raste kanë ndodhur në Ferizaj, dy në Kaçanik, dhe dy në Han të Elezit.

Po ashtu, në të njejtën periudhë janë raportuar katër raste të dhunës në familje, të gjitha në qytetin e Ferizajt.

“1 person është arrestuar dhe ndaluar në mbajtje, 3 persona janë liruar për procedura të rregullta hetimore”, thuhet në raport.

Ndërsa, gjatë kësaj periudhe, Policia e Kosovës në këtë rajon ka arrestuar 55 persona të kërkuar me urdhëresa nga gjykatat kompetente për vepra të ndryshme penale dhe kundërvajtëse.