Vetëm 47.6 për qind të planit të punës e ka realizuar Qeveria e Kosovës gjatë periudhës janar-qershor të vitit 2022, kështu u tha në raportin e publikuar nga Lëvizja FOL.

Mexhide Demolli-Nimani, drejtoresh ekzekutive e Lëvizjes FOL, teksa ka përmendur dikasteret e ndryshme, sqaroi se Ministria e Mbrojtjes është e vetmja që nuk iu është përgjigjur pyetësorit.

Ajo ka sqaruar se 46.9 për qind të planit e ka realizuar zyra e kryeministrit, Ministria e Punëve të Brendshme ka realizuar 53.9%, përderisa Ministria e Drejtësisë ka realizuar 56.4 për qind të planit të punës.