Mesfushori i Barcelonës, Pedri, nuk e fshehu zhgënjimin e tij pas humbjes tronditëse të katalanasve 0-1 në shtëpi ndaj Leganes.

Ai tha pas ndeshjes se kjo ishte një nga humbjet më të rënda të skuadrës këtë sezon.

“Ky është një zhgënjim i madh. Mendoj se e nisëm lojën pa përqendrim. Nuk ishim të fokusuar dhe luftuam për të arritur te goli”, tha Pedri.

“Kur përballesh me një ekip që mbrohet dhe ata shënojnë një gol të hershëm, ata do të mbrohen deri në fund të lojës. Duhet të ishim më efikas. Është e qartë. Kemi krijuar shumë raste, por nëse nuk shënon një gol, nuk fiton, jam shumë i zemëruar”, ka vazhduar mesfushori spanjoll.

“Kjo është një nga humbjet më të rënda të sezonit. Në La Liga, nëse e ulni sado pak intensitetin tuaj, çdo skuadër do t’ju mundë,” shtoi Pedri.

/GazetaBlic Sport