Sipas një raporti nga L’Equipe , Everton po mendon të zëvendësojë Sean Dyche me Paulo Fonseca.

Dyche u shkarkua nga posti i trajnerit të Evertonit të enjten me pronarët e rinj të skuadrës së Premier League, Friedkin Group, tani në kërkim të një pasuesi të tij, transmeton GazetaBlic Sport.

David Moyes është lidhur shumë me një rikthim në klubin Merseyside. Trajneri skocez ka mbetur pa punë që nga largimi nga West Ham United në fund të sezonit të kaluar.

Megjithatë, trajnerë të tjerë janë në garë për këtë rol, përfshirë edhe ish trajerin e Milan, Paulo Fonseca. Trajneri portugez u shkarkua nga AC Milan në fund të dhjetorit.

Sipas L’Equipe, Fonseca është prioriteti për Everton. Megjithatë, trajneri portugez tashmë ka disa kontakte të mira me klube të tjera dhe mund të presë deri në fund të sezonit përpara se të hidhet në një projekt të ri.

/GazetaBlic Sport/