Sipas L’Equipe, objektivi i Juventusit, Paul Pogba dëshiron të nënshkruajë një zgjatje të kontratës me Manchester United dhe mund të bëhet një nga futbollistët me pagën më të lartë të Premier League me një pagë 20 milionë euro në vit.

Francezi është kthyer në Torino, ku skuadra e tij franceze do të përballet sonte me Belgjikën në gjysmëfinalen e Ligës së Kombeve, përcjell GazetaBlic Sport.

Në fillim të muajit të kaluar, agjenti i tij Mino Raiola sugjeroi që kthimi i tij në Juventus ishte i mundur, edhe pse kjo varej nga planet e Bianconerëve për të ardhmen.

Raiola pranoi se Pogba është i dashuruar me Torinon duke bërë që shumë tifozë të Juventusit të ëndërrojnë për kthimin e francezit.

Kontrata e tij me Manchester United skadon në verë, por, sipas L’Equipe, Pogba tani është i gatshëm të zgjasë qëndrimin e tij në Old Trafford.

Sipas raportit, bisedimet mes gjigantëve të Premier League dhe agjentit të lojtarit janë duke vazhduar me 28-vjeçarin, të cilit mund t’i ofrohet një pagë e re 20 milionë euro në vit.

/GazetaBlic Sport/