Në një intervistë për Gazzetta dello Sport , Giorgio Furlani, CEO i Milanit , siguroi se e ardhmja e Rafael Leao kalon nga klubi i tij, përveç nëse dikush paguan klauzolën e lirimit.

“Ai ka një klauzolë lirimi prej 175 milionë eurosh. Megjithatë, mund të konfirmoj se dëshira e Rafës është të qëndrojë dhe të vazhdojë te Milani. Në fund, janë lojtarët ata që vendosin të ardhmen e tyre, por shpresoj që ai të qëndrojë me ne sa më gjatë të jetë e mundur”, tha ai, transmeton GazetaBlic Sport.

Në fund të sezonit të kaluar, portugez rinovoi kontratën e tij deri në vitin 2028 me kuqezinjtë , duke siguruar që e ardhmja e tij e afërt të ishte në Itali.

Megjithatë, anësori po pëlqehet shumë nga disa klube, disa nga Premier League , ku ai tashmë ka pranuar se do të dëshironte (një ditë) të luante, si dhe PSG , të cilët po kërkojnë të zëvendësojnë Kylian Mbappe , i cili po largohet gjatë verës.

/GazetaBlic Sport/