Njerëzit kanë filluar të largohen nga rajoni rreth termocentralit bërthamor Zaporizhzhia pasi akuzat nga të dyja palët çuan në panik mes ukrainasve se një operacion i mundshëm flamuri i rremë është i pashmangshëm.

Njohës i çështjeve ndërkombëtare, Dominic Waghorn, thotë se Rusia ka krijuar një precedent për një ngjarje të tillë me fryrjen e digës Kakhovka, raporton Skynews.

“Intensifikimi i ankthit [mes ukrainasve] ishin pretendimet ruse në blogje se ukrainasit po planifikonin të sulmonin centralin”, tha ai.

“Kur rusët akuzojnë ukrainasit se po përgatiten të bëjnë diçka, shpesh është një shenjë se ata do ta bëjnë vetë, siç e pamë me digën Kakhovka”, shtoi ai.

Ndërkaq, presidenti ukrainas, Zelensky, në një videofjalim të publikuar mbrëmë, u shpreh se i vetmi kërcënim për termocentralin bërthamor të Zaporizhzhias është Rusia.

Ai ka thënë vazhdimisht se ekziston një kërcënim “serioz” për centralin, i cili është më i madhi i këtij lloji në Evropë.