Kryetari i AKR-së, Behgjet Pacolli ka reaguar pas vrasjes së rreshterit të policisë, Muhamed Lika mbrëmë në Kaçanik.

Përmes një postimi në Facebook, ai ngushëlloi familjen e të ndjerit, miqtë dhe të afërmit e tij.

“Vrasja e rreshterit të policisë Muhamed Lika në Kaçanik është një ngjarje tejet trishtuese për të gjithë ne. Një akt i rëndë që na ka prekur thellë, sepse vetëm deri dje ai ishte në shërbim të sigurisë dhe rendit për qytetarët tanë. Ngushëllimet më të sinqerta për familjen, miqtë dhe të afërmit e tij. Zoti e mëshiroftë dhe mos na ndodhtë më kurrë një humbje e tillë tragjike”, ka shkruar Pacolli.