Opinionisti Rrahman Paçarizi në “Rubikon” në Klan Kosova ka deklaruar se dëshmitë në Hagë e kanë fuqizuar edhe më shumë pozicionin e kreut të AAK-së, Ramush Haradinajt.

Ai tha se rezultati në zgjedhjet e kaluara i AAK-së ishte ‘problematik’, duke nënvizuar se edhe ndodhia me Nismën e bëri të vetën.

Paçarizi ndër tjerash tha se zgjedhjet lokale sapo kanë mbaruar dhe ka një mobilizim të votuesve.

“Duket se AAK e ka marrë shumë seriozisht këtë garë në këto zgjedhje. Për shkak të rezultatit të dobët të papritur për AAK-në. Ishte rezultati problematik, pastaj ajo që ndodhi me Nismën e goditi dhe isthe e tepërt. Mirëpo e çuditshmja ka qenë se Aleanca me gjithë ato komuna, ra na aq pak vota. Ishte nën secilën pritje. Mirëpo zgjedhjet lokale sapo janë mbajtur dhe ka një mobilizim që e ka ruajtur kondicionin edhe të udhëheqjes së Aleancës por edhe të votuesve nëpër komunat përkatëse, ku AAK ka shumë votuesë”, tha Paçarizi.