Sean “Diddy” Combs ka qenë subjekt i bastisjeve të shumta nga agjentë federalë këtë javë dhe tani ai ka folur për herë të parë përmes avokatit të tij.

Shtëpitë e artistit në Los Angeles dhe Miami u bastisën nga policia mes akuzave për sulme seksuale dhe trafikim seksual.

Një zëdhënës i Sigurisë Kombëtare konfirmoi të martën se shtëpitë e Diddyt ishin bastisur dhe se agjentët federalë ishin ende në të dyja shtëpitë. Brendan Paul, i cili është cilësuar si bashkëpunëtor i reperit, tashmë është arrestuar.

Ende nuk është konfirmuar se Diddy është objektivi i hetimit, por burimet e zbatimit të ligjit thanë për Deadline se ai është “në qendër të veprimeve të tyre”, transmeton Klankosova.tv.

Avokati i Diddy tha në një deklaratë të lëshuar të martën: “Dje, pati një numër të madh të policisë në shtëpitë e Diddyt. Nuk ka asnjë justifikim për shfaqjen e tepruar të forcave për mënyrën se si u trajuan fëmijët dhe punonjësit e tij. Combs nuk u arrestua kurrë, por foli dhe bashkëpunoi me autoritetet. Pavarësisht spekulimeve mediatike, as Combs dhe asnjë nga anëtarët e familjes së tij nuk janë arrestuar dhe as nuk u është kufizuar aftësia për të udhëtuar në asnjë mënyrë. Kjo pritë e paprecedentë – e shoqëruar me një prani të avancuar dhe të koordinuar mediatike çon në një nxitim të parakohshëm për gjykimin e Combs dhe nuk është gjë tjetër veçse një gjueti shtrigash e bazuar në akuza të pabaza të bëra në padi civile. Nuk ka pasur asnjë konstatim të përgjegjësisë penale apo civile për asnjë nga këto pretendime. Combs është i pafajshëm dhe do të vazhdojë të luftojë çdo ditë për të pastruar emrin e tij”.