Tetë skiatorë u shpëtuan të gjallë pasi u varrosën nga një ortek në akullnajën Stubai, në Alpet Tiroliane të Austrisë, të enjten.

Katër persona u plagosën lehtë, ndërsa dy prej tyre u transportuan me urgjencë në spital.

Grupi, i përbërë nga pesë burra dhe tre gra, po bënte ski jashtë pistës kur shkaktuan ortekun.

Një operacion shpëtimi në shkallë të gjerë u organizua menjëherë, me mbi 250 ndihmës të përfshirë, mes tyre ekipe shpëtimi malor, qen për kërkim në ortekë dhe helikopterë.

Deri në orët e pasdites, të gjithë skiatorët — nga Gjermania, Bullgaria dhe Austria — u gjetën dhe rezultuan me lëndime të lehta.

Orteku ndodhi në qafën Daunscharte, një zonë e rrezikshme jashtë pistave të mbrojtura, dhe u shkaktua nga kalimi i një shpati me grumbullim të konsiderueshëm bore.

Disa prej skiatorëve aktivizuan airbag-et e sigurisë, të cilat i ndihmuan të mbijetonin.