Kryeministri i Kosovës, Albin Kurti nuk e ka thënë asnjë fjalë të vetme për takimin që ka pasur me diplomatët nga SHBA dhe BE në mëngjesin e sotëm, raporton Gazeta Blic.
Deri në këto momente, nuk ka asnjë njoftim zyrtar nga Qeveria e Kosovës se çfarë është diskutuar në takimin që zgjati pothuajse dy orë mes Kurtit dhe emisarëve nga SHBA dhe Bashkimi Evropian.
Krejt çka ka bërë Qeveria e Kosovës, është se ka nisur në adresë të medieve një video nga takimi Kurti me Escobar, Lajçak dhe tre të deleguarit e Francës, Gjermanisë dhe Italisë.
I vetmi që ka folur pas takimit me shefin e qeverisë, ka qenë diplomati evropian Mirosljav Lajçak, i cili tha se nuk ishte takim i lehtë e ku i tërë fokusi ka qenë dialogu Kosovë – Serbi.
Lajçak konstatoi se “janë të dëshpëruar” për mungesën e mirëkuptimit për planin franko gjerman, i cili po shihet si dokument që mund të pajtojë Kosovën e Serbinë në një marrëveshje përfundimtare.
