Kanali zyrtar i Trabzonspor në YouTube publikoi një video të titulluar “Një ditë nga jeta e Andre Onanës”, kushtuar lojtarit të huazuar nga Man United.

Në një nga komentet e tij në video, portieri duket se lë të kuptohet se do të donte të qëndronte në klubin turk përtej këtij sezoni.

“Jam shumë i lumtur, më besoni”, tha 28-vjeçari.

“Po jetoj periudhën më të mirë të jetës sime. Nuk mund të ankohem, jam shumë i lumtur që jam këtu.”

“Ndonjëherë jam duke ngarë makinën dhe një makinë më pret përpara. ‘Onana, ndalo, dua një foto’. Mendoj me vete, ‘Po, por mund ta bëjmë këtë në një mënyrë tjetër’.” Por kur më shohin, janë të lumtur, dhe unë gjithashtu.

“Në fillim ishte e vështirë, por tani e kuptoj. Ata janë njerëzit e mi, i dua dhe e dua këtë ndjenjë. Sepse janë shumë të apasionuar. Është një gjë e mrekullueshme. Është diçka që nuk mund ta përshkruaj nëse nuk je këtu.

“Por koha që kam kaluar këtu ka qenë perfekte për mua. Jam i lumtur që jam këtu. Është një stil jetese i ndryshëm, por është i mrekullueshëm. Vërtet i pabesueshëm, mahnitës”, përfundoi ai.

/GazetaBlic Sport