Portieri i Manchester Unitedit, Andre Onana, pas ndeshjes së mbrëmshme në UEFA Europa League ka dhënë një koment pozitiv për trajnerin e përkohëshëm, Ruud van Nistelrooyn.
Ai shpreson që legjenda e “djajve të kuq” të qëndrojë në skuadër edhe me trajnerin Ruben Amorim – i cili e merr “timonin” pas 11 nëntorit.
“Do doja që Ruud van Nistelrooy të jetë me ne edhe pas ardhjes së Amorimit.
“Ai është një djalosh, një trajner shumë i mirë dhe ne presim shumë prej tij. Por, në fund të ditës ne nuk mund të vendosim për këtë. Klubi është ai që vendos”, u shpreh Onana
Kujtojmë se pas shkarkimit të Erik Ten Hagut, Manchester Unitedi ka zhvilluar tri ndeshje me trajnerin Nistelrooy – ku ka fituar dy takime dhe ka barazuar në një ndeshje.
🔴❗️ Onana: “I’d love Ruud van Nistelrooy to stay even with Amorim, 100%”.
“He’s a very good guy, a very good coach and he expects a lot. But at the end of the day, it’s not something we can decide because the club make the decision”, told TNT. pic.twitter.com/YTWLpQjTOO
— Fabrizio Romano (@FabrizioRomano) November 8, 2024
