Trajneri i Manchester United, Ole Gunnar Solskjaer është shprehur se vendi i dytë me “Djajtë e Kuq” nuk është arritje për të dhe ekipin e Unitedit.

Klubi i Manchester United ndodhet në vendin e dytë në tabelë me 60 pikë, 14 më pak se rivali i tyre lokal, megjithatë United ka 2 ndeshje më pak të zhvilluara, shkruan GazetaBlic Sport.

“Nuk mund të themi se pozita e dytë është arritje, ne synojmë më shumë se kaq”, ka thënë Solskjaer.

“City ka zhvilluar një sezon fantastik, por synimi ynë është që ti arrijmë ata”, ka vazhduar trajneri i Manchester United.

Manchester United është eliminuar nga gara e Ligës së Kampionëve, por po bën mirë në Europa League ku e ka mposhtur Granadan në ndeshjen e parë çerekfinale me rezultat 2-0.

/GazetaBlic Sport.