Sipas raportimeve në Itali, Theo Hernandez do të refuzojë interesimin nga Manchester City dhe PSG për të nënshkruar një zgjatje të kontratës me Milanin.

Francezi sheh se kontrata e tij skadon në qershor 2024, por kuqezinjtë kanë hapur tashmë bisedimet me agjentët e tij për të zgjatur qëndrimin e lojtarit në klub, përcjell GazetaBlic Sport.

Theo fiton 1.5 milionë euro në vit dhe kuqezinjtë do t’i ofrojnë atij një zgjatje të kontratës me një rritje page.

Sipas Calciomercato.com, oferta e fundit e Milanit është rreth 3 milionë euro, e cila ende nuk është e mjaftueshme për të bindur lojtarin.

Gjigantët e Serie A do të kishin nevojë për një propozim në rrethin prej 4 milion euro në vit, por negociatat midis dy palëve janë në një fazë të avancuar dhe përparësia e lojtarit është të qëndrojë në San Siro, pavarësisht interesimit nga Manchester City dhe PSG.

Theo thuhet se do të zgjasë qëndrimin e tij në klub deri në qershor 2026.

/GazetaBlic Sport/