Është mbyllur para pak çastesh derbi më i madh spanjoll dhe një nga më të mëdhenjtë në botë, Real Madrid – Barcelona.

Vendasit kanë shënuar fitore minimale prej 2-1, në një duel të zhvilluar në një mot me shi, përcjell GazetaBlic Sport.

Serinë e golave e hapi Karim Benzema në minutën e 13′, për të vazhduar më pas Toni Kroos, çerek ore lojë më vonë, për 2-0. Me këtë rezultat përfundoi edhe fraksioni i parë.

Në të dytin mysafirët ishin më kërkues, teksa ia dolën që ta ngushtojnë epërsinë në minutën e 70′, realizator Mingueza. Megjithatë, kjo nuk mjaftoi dhe Real Madrid mori fitoren në këtë takim.

Real Madrid fiton të dy ndeshjet e Ligës kundër Barcelonës për herë të parë që nga 2007/08. Në atë vit, madrilenët kishin triumfuar edhe në “Camp Nou” si dhe në “Santiago Bernabeu”.