Gjërat po përkeqësohen për Juventusin, pasi UEFA ka njoftuar një hetim zyrtar ndaj klubit për shkelje të mundshme të rregulloreve të Licencimit të Klubeve dhe Fair Play Financiar.

Skuadra e Serisë A është tashmë nën hetim në Itali, si në dimensionin ligjor ashtu edhe atë sportiv, për parregullsi të mundshme financiare, përcjell GazetaBlic Sport.

Tani UEFA ka hapur edhe zyrtarisht një hetim, duke vënë në dukje shkeljet e mundshme të rregullave të Fair Play Financiar dhe rregulloret rreth Licencimit të Klubeve.

Hetimet bazohen rreth dy shqetësimeve, i pari është ndoshta fitimet kapitale të fryra bazuar në tarifat e transferimit duke rritur artificialisht vlerën e lojtarëve në marrëveshjet e këmbimit.

E dyta është raportimi se lojtarëve që ranë dakord të heqin dorë nga pagat gjatë krizës së COVID-19, u paguheshin ende pagat e tyre.

I gjithë Bordi i Drejtuesve, përfshirë presidentin e Juventusit, Andrea Agnelli, dhanë dorëheqjen të hënën në mbrëmje dhe një bord i ri do të emërohet në janar.

Ndërkohë, ministri i Sportit, Andrea Abodi, ka paralajmëruar se Juventusi ndoshta përfaqëson “majën e ajsbergut” për këtë lloj kontabiliteti krijues në botën e futbollit.

/GazetaBlic Sport/